ബെംഗളൂരു: വാഗ്ദാനങ്ങളുമായി വിജയ് പിള്ളയെന്നയാള് സമീപിച്ചെന്ന് സ്വര്ണ്ണക്കടത്ത് കേസിലെ പ്രതി സ്വപ്ന സുരേഷ്. ബെംഗളൂരു വിട്ട് ഹരിയാനയിലേക്കോ ജയ്പൂരിലേക്കോ പോകണമെന്ന് പറഞ്ഞു. മൂന്ന് ദിവസം മുമ്പാണ് വിജയ് പിള്ള വിളിച്ചത്. മുപ്പത് കോടി രൂപ വാഗ്ദാനം ചെയ്തു. ഭീഷണിയുടെ സ്വരത്തിലാണ് വിജയ് പിള്ള സംസാരിച്ചതെന്നും സ്വപ്ന ആരോപിച്ചു. വിജയ് പിള്ള എന്നൊരാൾ കണ്ണൂരിൽനിന്നു നിരന്തരം വിളിച്ചു ഇന്റർവ്യൂ എടുക്കാനെന്ന് പറഞ്ഞു. അതനുസരിച്ച് ബെംഗളൂരുവിലെ ഹോട്ടലിലെത്തി.
എന്നാൽ അവിടെ എത്തിയപ്പോൾ അത് സെറ്റിൽമെന്റ് സംസാരമായിരുന്നു. അനുസരിച്ചില്ലെങ്കില് കൊല്ലുമെന്ന് ഭീഷണിപ്പെടുത്തി. മുഖ്യമന്ത്രിയുടെയും കുടുംബത്തിന്റെയും കാര്യങ്ങള്ക്ക് തന്നെ ഉപയോഗപ്പെടുത്തി. മുഖ്യമന്ത്രി, മകള് വീണ എന്നിവര്ക്കെതിരെയുള്ള വിവരങ്ങള് കൈമാറണമെന്ന് ആവശ്യപ്പെട്ടു.എം.വി. ഗോവിന്ദന് പറഞ്ഞിട്ടാണ് സംസാരിക്കുന്നതെന്നും വിജയ് പിള്ള പറഞ്ഞെന്നും സ്വപ്ന ആരോപിച്ചു. ഗോവിന്ദന് സ്വപനയെ തീര്ത്തുകളയുമെന്ന് വിജയ് പറഞ്ഞെന്നും സ്വപന പറയുന്നു. മുഖ്യമന്ത്രി അടക്കമുള്ളവര്ക്കെതിരേ സംസാരിക്കുന്നവര്ക്കെതിരേ സംസാരിക്കുന്നത് നിര്ത്തണമെന്നും യുകെയിലേക്കോ മലേഷ്യയിലേക്കോ പോകാനുള്ള വിസ നല്കാമെന്നും വാഗ്ദാനം ചെയ്തെന്നും സ്വപ്ന സുരേഷ് ഫേസ്ബുക്ക് ലൈവില് പറഞ്ഞു.
യൂസഫലിയുടെ പേരും സ്വപ്ന ലൈവില് പരാമര്ശിക്കുന്നുണ്ട്. യുഎഇയിൽ വെച്ച് യൂസഫലിയെ ഉപയോഗിച്ച് എനിക്കെതിരെ ഇല്ലാത്ത കേസ് കെട്ടിച്ചമച്ച് എന്നെ കുടുക്കുമെന്നും വിജയ് പിള്ള ഭീഷണിപ്പെടുത്തി. ബാഗിലടക്കം നോട്ടോ മയക്കുമരുന്നോ വച്ച് എന്നെ അകത്താക്കാൻ യൂസഫലിക്ക് എളുപ്പമെന്നും അയാൾ പറഞ്ഞു. ഇക്കാര്യങ്ങളെല്ലാം മെയിലായി അഭിഭാഷകൻ കൃഷ്ണരാജിന് നൽകി. കർണാടക ഡിജിപിക്കും എൻഫോഴ്സ്മെന്റ് ഡയറ്കടർക്കും ഈ വിവരം കൈമാറിയിട്ടുണ്ട്.
ഒടുക്കം കാണാതെ ഇതു നിർത്താൻ ഞാൻ ഉദ്ദേശിക്കുന്നില്ല എന്ന് പിണറായി വിജയനോട് വ്യക്തമായും പറയുന്നു. ജീവനുണ്ടെങ്കിൽ നിങ്ങളുടെ മകളുടെ എല്ലാ ബിസിനസ് സാമ്രാജ്യത്തെക്കുറിച്ച് എല്ലാ വിവരങ്ങളും പുറത്തുവിടും. വിജയ് പിള്ളയുടെ ചിത്രം അടക്കമുള്ള തെളിവുകള് അന്വേഷണ ഏജന്സികള്ക്ക് ഉടനെ കൈമാറും. ഇ.ഡി.യുടെ അന്വേഷണത്തില് സത്യം പുറത്ത് വരുമെന്ന് താന് വിശ്വസിക്കുന്നതായും സ്വപ്ന പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.