മദ്യലഹരിയിൽ സഹോദരി നോക്കിനിൽക്കെ മരിക്കുകയാണെന്ന് പറഞ്ഞ് വീടിന് തീ കൊളുത്തി തൊടുപുഴ മണക്കാട് മധ്യവയസ്കൻ ആത്മഹത്യാ ചെയ്തു

 ഇടുക്കി: വീടിന് തീകൊളുത്തി മധ്യവയസ്കൻ മരിച്ചു. മണക്കാട് സ്വദേശി കളപ്പുര കോളനിയിൽ ജോസഫ്(55) ആണ് മരിച്ചത്. തൊടുപുഴ മണക്കാടാണ് സംഭവം. സഹോദരി നോക്കിനിൽക്കെയായിരുന്നു ജോസഫ് വീടിന് തീകൊളുത്തി ജീവനൊടുക്കിയത്. ഈ സമയത്ത് മദ്യലഹരിയിലായിരുന്നു ജോസഫ്. താൻ മരിക്കുകയാണ് എന്ന പറഞ്ഞ ശേഷം ജോസഫ് താമസിക്കുന്ന ഷെഡിന് തീ കൊളുത്തുകയായിരുന്നു. തുടർന്ന്, 

തീ ശരീരത്തിൽ പടർന്ന് സംഭവ സ്ഥലത്ത് വെച്ച് തന്നെ ജോസഫ് മരിച്ചു. പിന്നീട് നാട്ടുകാരും അഗ്നി രക്ഷാ സേനാംഗങ്ങളും ചേർന്ന് തീയണച്ചു. മൃതദേഹം പൊലീസ് നടപടികൾക്ക് ശേഷം തൊടുപുഴയിലെ ഇടുക്കി ജില്ലാ ആശുപത്രിയിലേക്ക് മാറ്റി. സംഭവത്തിൽ, പൊലീസ് കേസെടുത്തു.