വെൺമണിയിൽ അച്ചൻകോവിലാറ്റിൽ കുളിക്കാനിറങ്ങിയ രണ്ട് യുവാക്കൾ മുങ്ങി മരിച്ചു

പത്തനംതിട്ട : പന്തളം വെൺമണിയിൽ അച്ചൻകോവിലാറ്റിൽ കുളിക്കാനിറങ്ങിയ രണ്ട് യുവാക്കൾ മുങ്ങി മരിച്ചു. 

വെട്ടിയാർ സ്വദേശി വിഷ്ണു (26), പുലിയൂർ സ്വദേശി രാഗേഷ് (30) എന്നിവരാണ് മുങ്ങി മരിച്ചത്. ഞായറാഴ്ച വൈകുന്നേരം അഞ്ച് മണിയിടെയാണ് അപകടം നടന്നത്.

ബന്ധുവീട്ടിൽ അടുക്കള കാണൽ ചടങ്ങിനായി എത്തിയ യുവാക്കൾ അച്ചൻകോവിലാറ്റിൽ കുളിക്കാനിറങ്ങുകയായിരുന്നു. അടിയൊഴുക്കിൽ പെട്ടതിനെ തുടർന്ന് രണ്ടുപേരും മുങ്ങി പോകുകയായിരുന്നു. പ്രദേശവാസികൾ ചേർന്ന് രക്ഷാപ്രവർത്തനം നടത്തിയെങ്കിലും ഇരുവരുടെയും ജീവൻ രക്ഷിക്കാനായില്ല