ഇടുക്കിയിൽ വീണ്ടും കാട്ടുതീ പടരുന്നു.നാലേക്കറോളം ഭൂമി കത്തിനശിച്ചു കൂടുതൽ ഫയർ എൻജിനുകൾ സമീപ പ്രദേശങ്ങളിൽ നിന്ന് പുറപ്പെട്ടു

ഇടുക്കി;നെടുങ്കണ്ടത്ത് വീണ്ടും കാട്ടുതീ പടരുന്നു.കൈലാസപ്പാറ - ബേഡ് മെട്ട് ഭാഗത്താണ് തീ പടർന്നത്.കരടി വളവിന്റെ മുകൾ ഭാഗത്തെ പാറയിൽ രാവിലെയാണ് തീപിടുത്തം ഉണ്ടായത്.തീ പടർന്നതിന് ശേഷമാണ് നാട്ടുകാരുടെ ശ്രദ്ധയിൽപെട്ടത്. 

ഉടൻതന്നെ ഫയർഫോഴ്സിനെ വിളിച്ചറിയിക്കുകയായിരുന്നു.ഫയർഫോഴ്സ് തീ അണക്കുവാൻ ശ്രമിക്കുന്നു. നാലേക്കറോളം വരുന്ന പ്രദേശം കത്തിയതായാണ് പ്രാഥമിക വിവരം.ഇന്നലെ കൽകൂന്തലിൽ ഏലത്തോട്ടത്തിൽ തീ പടർന്ന് 2 ഏക്കറോളം കൃഷി നശിച്ചിരുന്നു.