പാലായിലെയും പരിസര പ്രദേശങ്ങളിലെയും ക​ള്ളു​ഷാ​പ്പു​ക​ളിൽ വിദ്യാർത്ഥികളെത്തുന്നത് പതിവ് കാഴ്ച്ചയാകുന്നു

 കോട്ടയം;പാലായിലെയും പരിസര പ്രദേശങ്ങളിലെയും ക​ള്ളു​ഷാ​പ്പു​ക​ളിൽ വിദ്യാർത്ഥികളെത്തുന്നത് പതിവ് കാഴ്ച്ചയാകുന്നു. ആൺ – പെൺ വ്യത്യാസമില്ലാതെയാണ് വിദ്യാർത്ഥികൾ കൂട്ടത്തോടെ കള്ളുഷാപ്പുകളിൽ എത്തുന്നതെന്നാണ് പ്രദേശവാസികൾ പറയുന്നത്. ഭക്ഷണം കഴിക്കാനെന്ന പേരിൽ എത്തുന്ന സംഘങ്ങൾ ഷാപ്പിനുള്ളിലും പൊതുസ്ഥലങ്ങളിലും കള്ളുകുടി ആഘോഷമാക്കുകയും ചെയ്യുന്നു.

ആ​ൺ-​പെ​ൺ വ്യ​ത്യാ​സ​മി​ല്ലാ​തെ​യാ​ണ് ഗ്രാ​മ​പ്ര​ദേ​ശ​ങ്ങ​ളി​ലെ ക​ള്ളു​ഷാ​പ്പു​ക​ളി​ൽ സ്കൂ​ൾ, കോ​ളേ​ജ് വി​ദ്യാ​ർ​ഥി​ക​ൾ എ​ത്തു​ന്ന​ത്. ഭരണങ്ങാനം ചൂണ്ടച്ചേരി ഭാഗങ്ങളിലുള്ള റോഡുവക്കിൽ പ്ര​വ​ർ​ത്തി​ക്കു​ന്ന​ കള്ളുഷാപ്പുകളിൽ സ്കൂൾ.കോളേജ് യൂണിഫോമ്ധരിച്ചു പോലും വിദ്യാർത്ഥികളും വിദ്യാർത്ഥിനികളും മദ്യപിക്കാൻ എത്തുന്നത് പതിവ് കാഴ്ചയാകുന്നു. ഗ്രാ​മ​പ്ര​ദേ​ശ​ങ്ങ​ളി​ലെ ക​ള്ളു​ഷാ​പ്പു​ക​ളി​ൽ ഭ​ക്ഷ​ണം ക​ഴി​ക്കാ​നെ​ന്ന പേ​രി​ൽ  എ​ത്തു​ന്നതോടൊപ്പം ​മ​ദ്യ​പാ​നം ന​ട​ത്തു​ന്നതായും നാട്ടുകാർ ചൂണ്ടിക്കാട്ടുന്നു.

ക​ള്ള് വാ​ങ്ങി പൊ​തുറോ​ഡി​ൽ നി​ന്ന് മ​ദ്യ​പി​ക്കു​ന്ന​തും നി​ത്യ​കാ​ഴ്ച​യാ​ണ്. കൂ​ടു​ത​ലും ഇ​രു​ച​ക്ര​വാ​ഹ​ന​ങ്ങ​ളി​ലും കാ​റി​ലും എ​ത്തു​ന്നവരാണ്. മ​ദ്യം നൽകു​ന്ന​തി​ന് സ​ർ​ക്കാ​ർ വ്യ​ക്ത​മാ​യ പ്രാ​യ​പ​രി​ധി​യു​ള്ള​പ്പോ​ൾ സ്കൂ​ൾ വി​ദ്യാ​ർ​ഥി​ക​ൾ യൂ​ണി​ഫോ​മി​ൽപോ​ലും ക​ള്ളു​ഷാ​പ്പി​ൽ എ​ത്തി മ​ദ്യ​പാ​നം ന​ട​ത്തി​യി​ട്ടും പോ​ലീ​സും ബന്ധപ്പെട്ട അധികാരികളും ക​ണ്ടി​ല്ലെ​ന്ന് ന​ടി​ക്കു​ക​യാ​ണെന്നും പരാതിയുണ്ട്.

വൈ​കു​ന്നേ​ര​ങ്ങ​ളി​ൽ ക​ള്ളു​ഷാ​പ്പി​ൽ എ​ത്തി ചില ഉദ്യോഗസ്ഥർ പ​ടി വാ​ങ്ങു​ന്ന​ത​ല്ലാ​തെ. ഇ​തു​സം​ബ​ന്ധി​ച്ച് അ​ന്വേ​ഷ​ണം ന​ട​ത്താ​നോ കു​റ്റ​ക്കാ​രാ​യ ക​ള്ളു​ഷാ​പ്പ് ഉ​ട​മ​ക​ൾ​ക്കെ​തി​രേ ന​ട​പ​ടി സ്വീ​ക​രി​ക്കാ​നോ ത​യാറാ​കു​ന്നി​ല്ലെ​ന്നു നാ​ട്ടു​കാ​ർ ആ​രോ​പി​ക്കു​ന്നു.