പാലക്കാട്: മാഹിയിൽനിന്ന് കടത്തിക്കൊണ്ടുവന്ന വിദേശമദ്യം ഉയർന്ന വിലയ്ക്ക് അട്ടപ്പാടിയിൽ വിറ്റ സംഭവത്തിൽ സിപിഎം ബ്രാഞ്ച് കമ്മിറ്റി അംഗം അറസ്റ്റിലായി. ചെർപ്പുളശ്ശേരി ഹൈസ്കൂൾ റോഡ് ബ്രാഞ്ച് അംഗവും മുൻ ബ്രാഞ്ച് സെക്രട്ടറിയുമായ സുരേഷ് ബാബു എന്ന മുത്തപ്പൻ ബാബു (42) ആണ് പൊലീസിന്‍റെ പിടിയിലായത്.
ഇവരുടെ മദ്യക്കടത്തിനെക്കുറിച്ച് വിവരം ലഭിച്ച പൊലീസ് രഹസ്യമായി നിരീക്ഷിച്ചുവരികയായിരുന്നു. സുരേഷ് ബാബുവിന്റെ ചെർപ്പുളശ്ശേരിയിലെ വീടിന് സമീപത്ത് നിർത്തിയിട്ടിരുന്ന കാറിൽനിന്നാണ് 600 ഓളം മദ്യകുപ്പികൾ കണ്ടെടുത്തത്. സംഘം സ്ഥിരമായി വിദേശമദ്യം വിൽക്കുന്നവരായിരുന്നുവെന്ന് പൊലീസ് പറയുന്നു.
മാഹിയിൽ നിന്ന് മദ്യം കയറ്റിയ വണ്ടിക്ക് മുന്നിലും പുറകിലും എസ്കോർട്ട് പോയിരുന്ന രണ്ട് വാഹനങ്ങളും പൊലീസ് കസ്റ്റഡിയിലെടുത്തിട്ടുണ്ട്. സുരേഷ് ബാബുവിന്റെ കൂട്ടാളികളായ പ്രമോദ്, അബ്ദുൾ ഹക്കീം എന്നിവരെയും പൊലീസ് പിടികൂടിയിട്ടുണ്ട്. മാഹിയിൽ നിന്ന് കടത്തിക്കൊണ്ടുവന്ന് അട്ടപ്പാടിയിൽ ഉയർന്ന വിലക്ക് മദ്യം വില്പന നടത്തുന്ന സംഘമാണ് ഇവർ. 270 ലിറ്റർ വിദേശമദ്യമാണ് ഇയാളില്‍ നിന്ന് പൊലീസ് പിടിച്ചെടുത്തത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.