ഗുജറാത്ത്: തൂക്കുപാലം തകര്‍ന്ന് 60 പേര്‍ മരിച്ചു ; നൂറോളം പേര്‍ അപകടത്തില്‍പ്പെട്ടെന്ന് റിപ്പോര്‍ട്ട്; അതീവ ദുഃഖം രേഖപ്പെടുത്തി ഇന്ത്യൻ പ്രധാനമന്ത്രി നരേന്ദ്ര മോദി

ഗുജറാത്ത്: ഇന്ത്യയുടെ പടിഞ്ഞാറൻ സംസ്ഥാനമായ ഗുജറാത്തിൽ കാൽനട പാലം തകർന്ന് 60 പേർ മരിച്ചു. ഞായറാഴ്ച വൈകിട്ട് 6.30നാണ് സംഭവം. നൂറോളം പേർ നദിയിൽ വീണതായാണ് റിപ്പോർട്ട്. തലസ്ഥാന നഗരമായ അഹമ്മദാബാദിൽനിന്ന് 200 കിലോമീറ്റർ അകലെ മോർബിയിലാണ് അപകടമുണ്ടായത്. മരണസംഖ്യ ഇനിയും ഉയരുമെന്നാണ് സൂചന. രക്ഷാപ്രവർത്തനം പുരോഗമിക്കുകയാണെന്ന് വാർത്താ ഏജൻസികൾ റിപ്പോർട്ട് ചെയ്തു.

അപകടത്തിൽപ്പെട്ട ഒട്ടേറെപ്പേരെ രക്ഷിച്ച് ആശുപത്രിയിലേക്കു മാറ്റിയതായി ഗുജറാത്ത് ആഭ്യന്തര മന്ത്രി ഹർഷ് സങ്ഗ്വി അറിയിച്ചു. അപകട സമയത്ത് പാലത്തിൽ 150നു മുകളിൽ ആളുകളുണ്ടായിരുന്നതായി അദ്ദേഹം വിശദീകരിച്ചു. കേന്ദ്ര സർക്കാർ രക്ഷാപ്രവർത്തനത്തിന് എല്ലാവിധ പിന്തുണയും നൽകുന്നുണ്ട്. അപകടം നടന്ന് 15 മിനിറ്റിനുള്ളിൽ അഗ്‌നിരക്ഷാ സേന, ജില്ലാ കലക്ടർ, പൊലീസ് മേധാവി, ഡോക്ടർമാർ, ആംബുലൻസുകൾ തുടങ്ങിയവ സ്ഥലത്തെത്തിയെന്ന് അദ്ദേഹം വ്യക്തമാക്കി.

230 മീറ്റർ നീളമുള്ള (754 അടി) കൊളോണിയൽ കാലഘട്ടത്തിലെ ക്രോസിംഗ് പത്തൊൻപതാം നൂറ്റാണ്ടിൽ ഇന്ത്യയിലെ ബ്രിട്ടീഷ് ഭരണകാലത്ത് നിർമ്മിച്ചതാണ്. മോർബി നഗരത്തിലെ മച്ചു നദിയിൽ നൂറുകണക്കിന് ആളുകൾ മുങ്ങി. പ്രാദേശികമായി ജൾട്ടോ പൂൾ എന്നറിയപ്പെടുന്ന തൂക്കുപാലം പ്രദേശത്തെ ഒരു പ്രശസ്തമായ വിനോദസഞ്ചാര കേന്ദ്രമാണ്. രക്ഷാപ്രവർത്തനത്തിന് അയൽ ജില്ലകളിൽ നിന്ന് അടിയന്തര രക്ഷാപ്രവർത്തകരെ അയച്ചിട്ടുണ്ട്.

ഭാഗികമായി മുങ്ങിയ തൂക്കുപാലത്തിൽ നിന്ന് രക്ഷപ്പെട്ടവർ തൂങ്ങിക്കിടക്കുന്നതായി പ്രാദേശിക ദൃശ്യങ്ങൾ കാണിക്കുന്നു. ഈ സമയത്ത് 400 ഓളം പേർ പാലത്തിൽ  ഉണ്ടായിരുന്നതായി റിപ്പോർട്ടുകൾ പറയുന്നു. രാത്രിയിലും രക്ഷാപ്രവർത്തനം തുടരുകയാണെന്ന് അധികൃതർ അറിയിച്ചു. അറ്റകുറ്റപ്പണികൾ നടത്തി പാലം തുറന്ന് ദിവസങ്ങൾക്കുള്ളിലാണ് സംഭവം. 

#WATCH | Several people feared to be injured after a cable bridge collapsed in the Machchhu river in Gujarat's Morbi area today

PM Modi has sought urgent mobilisation of teams for rescue ops, while Gujarat CM Patel has given instructions to arrange immediate treatment of injured pic.twitter.com/VO8cvJk9TI

— ANI (@ANI) October 30, 2022

ഇരുട്ട് മൂടിയപ്പോൾ നദീതീരത്ത് കാണികൾ വെള്ളത്തിൽ കുടുങ്ങിയവരെ രക്ഷിക്കാൻ ശ്രമിക്കുന്നതിന്റെ വീഡിയോകൾ ദൃശ്യങ്ങൾ  കാണിക്കുന്നു. വെള്ളത്തിൽ നിന്ന് രക്ഷപ്പെടാൻ ആളുകൾ പാലത്തിന്റെ അവശിഷ്ടങ്ങളിൽ  കയറുന്നത് മറ്റൊരു വീഡിയോ കാണിക്കുന്നു.

In #India at least 32 people were killed as a nearly century-old suspension bridge on Machchhu river in #Gujarat’s #Morbi city collapsed, a local civil hospital official said.

The bridge was recently reopened for public after renovation. pic.twitter.com/URLRcAHFIw

— NEXTA (@nexta_tv) October 30, 2022

അഞ്ച് ദിവസം മുൻപ് അറ്റകുറ്റപ്പണി പൂർത്തിയാക്കിയ ചരിത്രപ്രാധാന്യമുള്ള പാലമാണ് തകർന്നത്. അറ്റകുറ്റപ്പണിക്കു ശേഷം പാലം ഗുജറാത്തുകാർ പുതുവർഷമായി കണക്കാക്കുന്ന ഒക്ടോബർ 26നാണ് പൊതുജനത്തിനായി തുറന്നുകൊടുത്തത്.

മൂന്ന് ദിവസത്തെ സന്ദർശനത്തിനായി സ്വന്തം സംസ്ഥാനമായ ഗുജറാത്തിലെത്തിയ ഇന്ത്യൻ പ്രധാനമന്ത്രി നരേന്ദ്ര മോദി, “ദുരന്തത്തിൽ അതീവ ദുഃഖം രേഖപ്പെടുത്തി.  അപകടത്തിനു പിന്നാലെ പ്രധാനമന്ത്രി നരേന്ദ്ര മോദി വിശദാംശങ്ങൾ അന്വേഷിച്ച് ഗുജറാത്ത് മുഖ്യമന്ത്രി ഭൂപേന്ദ്ര പട്ടേലിനെ ഫോണിൽ ബന്ധപ്പെട്ടു. അടിയന്തരമായി രക്ഷാപ്രവർത്തനം നടത്താൻ അദ്ദേഹം നിർദ്ദേശം നൽകി.പരിക്കേറ്റവർക്കും മരിച്ചവരുടെ അടുത്ത ബന്ധുക്കൾക്കും മോദി നഷ്ടപരിഹാരം പ്രഖ്യാപിച്ചു. അപകടത്തിൽ മരിച്ചവരുടെ കുടുംബാംഗങ്ങൾക്ക് പ്രധാനമന്ത്രി രണ്ടു ലക്ഷം രൂപ വീതം ധനസഹായം പ്രഖ്യാപിച്ചു. അപകടത്തിൽ പരുക്കേറ്റവരുടെ കുടുംബാംഗങ്ങൾക്ക് 50,000 രൂപ വീതവും പ്രഖ്യാപിച്ചിട്ടുണ്ട്.