കോട്ടയം മെഡിക്കൽ കോളേജിനെതിരെ മെഡിക്കൽ അനാസ്ഥ മൂലം രോഗി മരിച്ചതിന് കേസ്.

ഗാന്ധിനഗർ: കോട്ടയം മെഡിക്കൽ കോളജിൽ ജനറൽ വാർഡിൽ പ്രവേശിപ്പിച്ച രോഗി മരിച്ച സംഭവത്തിൽ പരാതി. ഇടുക്കി സ്വദേശിയായ തങ്കച്ചൻ (67) കൃത്യസമയത്ത് ഓക്‌സിജൻ ലഭിക്കാത്തതിനെ തുടർന്നാണ് മരിച്ചതെന്ന് ബന്ധുക്കൾ ആരോപിച്ചു.

രോഗിയെ പരിശോധിക്കാനെത്തിയ ഹൗസ് സർജനെ കൈയേറ്റം ചെയ്യാൻ ശ്രമിച്ചതിന് മരിച്ചയാളുടെ മകൻ ടിപി അജേഷിനെതിരെയും പരാതിയുണ്ട്. അജേഷിനെ പിന്നീട് കസ്റ്റഡിയിലെടുത്ത് മജിസ്‌ട്രേറ്റിന് മുന്നിൽ ഹാജരാക്കി.