എന്ഫീല്ഡ്: അടുക്കളയില് ഭക്ഷണം പാകം ചെയ്യുന്നതിനിടയില് തിളച്ച എണ്ണ ദേഹത്തു വീണു ഗുരുതരമായി പൊള്ളലേറ്റു ചികിത്സയിലായിരുന്ന മലയാളി യുവതി മരിച്ചു. എന്ഫീല്ഡില് താമസിക്കുന്ന സ്വദേശിനി നിഷാ ശാന്തകുമാര് (49) ആണ് മരണപ്പെട്ടത്. മൂന്നാഴ്ചയോളം തീവ്ര പരിചരണത്തിലായിരുന്നു.
വെല്ലൂർ സ്വദേശിയായ ഭർത്താവ് ശാന്തകുമാർ എംആർഐ സ്കാനിങ് ഡിപ്പാർട്മെന്റ് സൂപ്പർവൈസർ ആയി ജോലി ചെയ്തു വരികയാണ്. വിദ്യാർഥികളായ സ്നേഹ (പ്ലസ് വൺ) ഇഗ്ഗി (9–ാം ക്ലാസ്സ്) എന്നിവർ മക്കളാണ്. മലയാളി കമ്മ്യുണിറ്റികളിലും പാരീഷിലും വളരെയേറെ ചേർന്നു നിന്നിരുന്ന കുടുംബമായിരുന്നു ശാന്തകുമാറിന്റെത്. എൻഫീൽഡിൽ എത്തിയിട്ട് 15 വർഷമായി.
നിഷയുടെ അകാല വേർപാടിൽ എൻഫീൽഡിലെ മലയാളി സമൂഹം അതീവ ദുഃഖം രേഖപ്പെടുത്തി. സുഖപ്പെട്ടു വരുന്നുവെന്നു നിനച്ചിരിക്കെയായിരുന്നു മരണം. നടപടി ക്രമങ്ങൾ പൂർത്തിയാക്കി, വേണ്ടപ്പെട്ടവരെ നാട്ടിൽ നിന്നെത്തിക്കാനും അന്ത്യോപചാര ശുശ്രുഷകൾ നടത്തി എൻഫീൽഡിൽ തന്നെ അന്ത്യ വിശ്രമം ഒരുക്കാനുമാണു കുടുംബം ആഗ്രഹിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.