ഒറ്റ ചാർജിങിൽ 500 കിലോമീറ്റർ ഓടും. നിരത്ത് കീഴടക്കാൻ ടാറ്റയുടെ അവിന്യ ഇവി കൺസെപ്റ്റ്
ടാറ്റ മോട്ടോഴ്സിന്റെ ഏറ്റവും പുതിയ ഇലക്ട്രിക്ക് കൺസെപ്റ്റ് കാറാണ് അവിന്യ. ട്രൂലി ഗ്ലോബൽ എന്നു വിളിക്കാവുന്ന രൂപവും മറ്റെങ്ങും കണ്ടിട്ടില്ലാത്ത ഇന്റീരിയറുമാണ് അവിന്യയ്ക്കുള്ളത്. ഇലക്ട്രിക് കാർ ടാറ്റയുടെ പുതിയ ഇവി മൂന്നാം തലമുറ സാങ്കേതികവിദ്യയിലാണ് നിർമ്മിക്കുന്നത്.
ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, സമ്പൂർണ്ണ ഡിജിറ്റൽ ഇൻസ്ട്രുമെന്റ് ക്ലസ്റ്റർ, 360-ഡിഗ്രി ക്യാമറയുള്ള അതുല്യമായ സ്റ്റിയറിംഗ് തുടങ്ങിയ ഫീച്ചറുകൾ, പുതിയ ഇവിയുമായി കണക്റ്റഡ് കാർ ഫീച്ചറുകൾ വാഗ്ദാനം ചെയ്യുന്നതായി ടാറ്റ അവകാശപ്പെടുന്നു. അവിനിയയുടെ ബാറ്ററി ഒറ്റത്തവണ ചാർജ് ചെയ്താൽ 500 കിലോമീറ്റർ വരെ ഓടിക്കാൻ കഴിയുമെന്നാണ് ടാറ്റയുടെ അവകാശവാദം. 2-വീൽ ഡ്രൈവ്, 4-വീൽ ഡ്രൈവ് വകഭേദങ്ങളിൽ പുറത്തിറക്കുന്ന ഒരു ഡ്യുവൽ മോഡ് ഇലക്ട്രിക് എസ്യുവിയാണിത്.
ഇന്ത്യൻ റോഡുകൾക്കും കാലാവസ്ഥയ്ക്കും അനുസരിച്ചാണ് ഈ ഇലക്ട്രിക് കാർ നിർമ്മിക്കുന്നതെന്ന് കമ്പനി അവകാശപ്പെടുന്നു. എന്നിരുന്നാലും, ആഗോള വിപണിയിൽ കാർ വിൽക്കുമെന്ന് ടാറ്റ ഗ്രൂപ്പ് ചെയർമാൻ എൻ ചന്ദ്രശേഖരൻ പറഞ്ഞു.രണ്ട് വർഷത്തിനുള്ളിൽ പുറത്തിറക്കുന്ന ഈ പുതിയ ഇലക്ട്രിക് കാർ 2025 ഓടെ വിപണിയിലെത്തിക്കാനാണ് ടാറ്റ മോട്ടോഴ്സ് പദ്ധതിയിടുന്നത്.
ടാറ്റ അവിനിയ ഇവി കൺസെപ്റ്റിന്റെ ക്യാബിൻ വ്യത്യസ്തമായതും വൃത്തിയുള്ളതുമാണ്. പുതിയ ഇലക്ട്രിക് എസ്യുവി സുരക്ഷയിലും ശക്തമാണെന്നും ഡസ്റ്റ് പ്രൊട്ടക്ഷന് പുറമേ മെച്ചപ്പെട്ട ഡ്രൈവർ അസിസ്റ്റ് സിസ്റ്റവും വാഗ്ദാനം ചെയ്യുന്നുവെന്നും കമ്പനി അവകാശപ്പെടുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.