ഞായറാഴ്ച മസ്താങ് ജില്ലയിൽ തകർന്ന താര എയർ വിമാനത്തിന്റെ അവശിഷ്ടങ്ങളിൽ നിന്ന് 21 മൃതദേഹങ്ങൾ കണ്ടെടുത്തതായി നേപ്പാൾ സിവിൽ ഏവിയേഷൻ അതോറിറ്റി തിങ്കളാഴ്ച അറിയിച്ചു.
വിനോദസഞ്ചാര കേന്ദ്രമായ പൊഖാറയിൽ നിന്ന് രാവിലെ 9.55നാണ് 22 പേരുമായി താരാ എയർ വിമാനം പറന്നുയർന്നത്. എന്നാൽ, 12 മിനിറ്റിനുശേഷം എയർ ട്രാഫിക് കൺട്രോളുമായുള്ള ബന്ധം നഷ്ടപ്പെട്ടു.
ഏവിയേഷൻ സേഫ്റ്റി നെറ്റ്‌വർക്ക് വെബ്‌സൈറ്റ് അനുസരിച്ച്, കാനഡയിലെ ഡി ഹാവിലാൻഡ് നിർമ്മിച്ച ഈ വിമാനം 40 വർഷങ്ങൾക്ക് മുമ്പ് ആദ്യത്തെ പറക്കൽ നടത്തിയതായി എഎഫ്‌പി റിപ്പോർട്ട് ചെയ്തു.
“ഇരുപത്തിയൊന്ന് മൃതദേഹങ്ങൾ കണ്ടെടുത്തു, ബാക്കിയുള്ളവയ്ക്കായി അന്വേഷണസംഘം തിരച്ചിൽ നടത്തുകയാണ്,” നേപ്പാൾ ആർമി വക്താവ് നാരായൺ സിൽവാൾ പറഞ്ഞു.
അപകടത്തിൽപ്പെട്ട വിമാനത്തിൽ നാല് ഇന്ത്യക്കാരും ഉണ്ടായിരുന്നു. വിമാനം കാണാതാകുമ്പോൾ വൈഭവി ത്രിപാഠിയും അവരുടെ മുൻ ഭർത്താവും അവരുടെ രണ്ട് കുട്ടികളും വിമാനത്തിൽ ഉണ്ടായിരുന്നു. വിവാഹമോചനത്തിന് ശേഷം എല്ലാ വർഷവും അവധിക്കാലം ആഘോഷിക്കാൻ കുടുംബ കോടതി മുൻ ദമ്പതികളോട് നിർദ്ദേശിച്ചിരുന്നു.
പ്രധാന ഇംപാക്ട് പോയിന്റിൽ നിന്ന് 100 മീറ്റർ ചുറ്റളവിൽ മൃതദേഹങ്ങൾ ചിതറിക്കിടക്കുന്നതായി താര എയറിന്റെ വക്താവ് പ്രാദേശിക മാധ്യമങ്ങളോട് പറഞ്ഞു. വിമാനം പർവതത്തിലേക്ക് ഇടിച്ചുകയറി, കഷണങ്ങളായി തകർന്നു. ആഘാതത്തിൽ മൃതദേഹങ്ങൾ കുന്നിലുടനീളം പറന്നുപോയി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.