കൊച്ചിയിൽ വൻ മയക്കുമരുന്ന് വേട്ട; എൽഎസ്ഡി സ്റ്റാമ്പുകൾ പോലുള്ള ഉഗ്രവിഷമുള്ള മരുന്നുകൾ വിദേശത്തുനിന്നും എത്തുന്നു.

 

കൊച്ചി: വിദേശ രാജ്യങ്ങളിൽ നിന്ന് കൊണ്ടുവന്ന മയക്കുമരുന്ന് കൊച്ചി എക്സൈസ് പിടികൂടി. കസ്റ്റംസിന്റെ സഹകരണത്തോടെ നടത്തിയ റെയ്ഡിൽ എൽഎസ്ഡി സ്റ്റാമ്പുകൾ ഉൾപ്പെടെ ഉഗ്രവിഷമുള്ള ലഹരിവസ്തുക്കൾ പിടികൂടി.

നെതർലൻഡ്‌സിൽ നിന്നും ഖത്തറിൽ നിന്നും പാഴ്‌സലുകളിലൂടെയാണ് മയക്കുമരുന്ന് കേരളത്തിലെത്തിയത്. ഒരു പാഴ്‌സൽ തിരുവനന്തപുരം സ്വദേശിയുടെയും മറ്റൊന്ന് കോഴിക്കോട്ടെയും വിലാസത്തിലാണ് അയച്ചത്. ഇരുവരെയും തിരിച്ചറിഞ്ഞതായും ഇതിന്റെ അടിസ്ഥാനത്തിൽ അന്വേഷണം ആരംഭിച്ചതായും എക്സൈസ് അറിയിച്ചു. പാഴ്സൽ അയച്ച വിലാസവും എക്സൈസ് തിരിച്ചറിഞ്ഞിട്ടുണ്ട്.