SSLC പരീക്ഷയ്ക്ക് പോകുന്ന സ്കൂളിൽ തന്നെ അധ്യാപകർക്ക് എട്ട്, ഒൻപത് ക്ലാസ്സ് പരീക്ഷ ഡ്യൂട്ടിയെടുക്കാം
എസ്.എസ്.എല്.സി പരീക്ഷ ഡ്യൂട്ടിയെടുക്കുന്ന സ്കൂളില് തന്നെ അധ്യാപകര്ക്ക് എട്ട്, ഒൻപത് ക്ലാസുകളിലെ വാര്ഷിക പരീക്ഷ ഡ്യൂട്ടിക്ക് ക്രമീകരണമൊരുക്കാന് പൊതുവിദ്യാഭ്യാസ ഡയറക്ടറുടെ ഉത്തരവ്. എസ്.എസ്.എല്.സി പരീക്ഷാദിവസം തന്നെ വാര്ഷിക പരീക്ഷ നടത്തുന്നത് അധ്യാപകര്ക്ക് ദുരിതമാകുമെന്ന് കണ്ടാണ് നിര്ദ്ദേശം.
മാര്ച്ച് 31ന് രാവിലെ 9:45 മുതല് 11:30 വരെ എസ്.എസ്.എൽ.സി പരീക്ഷ നടക്കുന്നുണ്ട്. ഇതേ ദിവസം ഉച്ചയ്ക്കുശേഷം ഒന്നര മുതല് ഒൻപതാം ക്ലാസിനും എട്ടാം ക്ലാസിനും വാര്ഷിക പരീക്ഷ നിശ്ചയിച്ചിട്ടുണ്ട്. രാവിലെ മറ്റൊരു സ്കൂളില് എസ്.എസ്.എല്.സി പരീക്ഷ ഡ്യൂട്ടി ചെയ്യുന്ന അധ്യാപകര് അതേദിവസം ഉച്ചയ്ക്കുശേഷം വാര്ഷിക പരീക്ഷ നടത്തിപ്പിനായി മാതൃസ്കൂളിലേക്കും ഓടണമായിരുന്നു. ഈ പ്രശ്നം പരിഹരിക്കാനാണ് ക്രമീകരണം.
എസ്.എസ്.എൽ.സി ഡ്യൂട്ടിക്ക് നിയോഗിച്ചിട്ടില്ലാത്ത അധ്യാപകരെയും എട്ട്, ഒൻപത് ക്ലാസുകളിലെ പരീക്ഷയ്ക്ക് ആവശ്യാനുസരണം നിയോഗിക്കാന് നിര്ദ്ദേശിച്ചിട്ടുണ്ട്. അധികം പേരെ ഡ്യൂട്ടിക്ക് ആവശ്യമെങ്കില് തൊട്ടടുത്ത എല്.പി/യു.പി സ്കൂളുകളിലെ അധ്യാപകരെ നിയോഗിക്കണമെന്നും പൊതുവിദ്യാഭ്യാസ ഡയറക്ടര് നിര്ദ്ദേശം നല്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.