പ്രവാസികള്ക്ക് ആശ്വാസകരമായി കരിപ്പൂരില് നിന്ന് വലിയ വിമാനങ്ങളുടെ സര്വീസ് പുനരാരംഭിക്കുന്നു
കരിപ്പൂരില് നിന്ന് ഉടന് വലിയ വിമാനങ്ങളുടെ സര്വീസ് പുനരാരംഭിക്കും. ഇതു സംബന്ധിച്ച് ഉറപ്പ് ലഭിച്ചെന്ന് എം.കെ രാഘവന് എം.പി പറഞ്ഞു. സിവില് ഏവിയേഷന് ഡയറക്ടര് ജനറല് അരുണ് കുമാറാണ് ഇക്കാര്യത്തില് ഉറപ്പ് നല്കിയത്. അതേസമയം വിമാനസര്വീസ് പുനരാരംഭിക്കുമെന്ന ഉറപ്പ് ലംഘിച്ചാല് സമരമാരംഭിക്കുമെന്നും എം.കെ രാഘവന് എം.പി പറഞ്ഞു.
കഴിഞ്ഞ ദിവസമാണ് സിവില് ഏവിയേഷന് ഡയറക്ടര് ജനറല് ഉറപ്പ് നല്കിയത്. വലിയ വിമാനസര്വീസ് ആരംഭിച്ചാല് ഹജ്ജ് എംബാര്ക്കേഷന് കേന്ദ്രം കരിപ്പൂരിലെത്തുമെന്ന പ്രതീക്ഷയുമുയരുന്നുണ്ട്. 2020 ഓഗസറ്റിലുണ്ടായ വിമാനാപകടത്തിന് ശേഷം കരിപ്പൂരില് വലിയ വിമാനങ്ങള്ക്ക് സര്വീസ് നടത്താന് അനുമതിയുണ്ടായിരുന്നില്ല. വലിയ വിമാനങ്ങള് സര്വീസ് നടത്തുന്നതിന് പ്രശ്നമില്ലെന്നായിരുന്നു എയര്ക്രഫ്റ്റ് ഇന്വെസ്റ്റിഗേഷന് ബ്യൂറോയുടെ റിപ്പോര്ട്ട്. എന്നാല് സര്വീസ് ആരംഭിക്കുന്നതിനുള്ള നടപടി ആരംഭിച്ചിരുന്നില്ല. ഇതിനെതിരെ പ്രതിഷേധങ്ങള് ഉയര്ന്നിരുന്നു. പാര്ലമെന്റിലും ഇക്കാര്യം ചര്ച്ച ചെയ്തിരുന്നെന്ന് എം.കെ രാഘവന് എം.പി പറഞ്ഞു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.