ദുബായ് എയര്ഷോയില് ഉഗ്രന് പ്രകടനം കാഴ്ചവെച്ച് ഇന്ത്യയുടെ സാരംഗ്
ദുബായ്: ദുബായ് എയര്ഷോ കഴിഞ്ഞദിവസം തുടങ്ങിയ ശേഷം ഇതു രണ്ടാം തവണയാണ് സാരംഗ് സംഘം പ്രകടനം നടത്തുന്നത്.
യുഎഇയില് ഉഗ്രന് പ്രകടനം കാഴ്ചവെച്ച് ഇന്ത്യയുടെ സാരംഗ്. ഇന്ത്യയുടെ അഡ്വാന്സ്ഡ് ലൈറ്റ് ഹെലികോപ്റ്ററുകളുടെ വ്യോമാഭ്യാസ സംഘമായ സാരംഗ് ആണ് ദുബായ് എയര്ഷോയില് ഉഗ്രന് പ്രകടനം കാഴ്ച വച്ചത്. ആയുധ മേഖലയിലെ നൂതന കണ്ടുപിടിത്തങ്ങളുമായി ഇന്ത്യന് പവിലിയനും സജീവമാണ്. തേജസ് പോലുള്ള സ്വയം നിര്മിത യുദ്ധവിമാനങ്ങള് കൂടാതെ ഹെലിന, ആകാശ്, അസ്ത്ര, നാഗ് തുടങ്ങിയ മിസൈലുകളുടെ പ്രത്യേകതകളും മേന്മയും പ്രദര്ശിപ്പിച്ചു.
44 സെക്കന്ഡിനുള്ളില് 72 റോക്കറ്റുകള് തൊടുക്കാന് ശേഷിയുള്ള ഡിആര്ഡിഒ വികസിപ്പിച്ച പിനാകായും പ്രധാന ആകര്ഷണമാണ്. 38 കി.മീ ദൂരത്ത് 7.2 ടണ് ശേഷിയുള്ള സ്ഫോടക വസ്തുക്കള് വര്ഷിക്കാന് ഇതിനു ശക്തിയുണ്ട്. മൂന്നു മിനിറ്റിനുള്ളില് പ്രവര്ത്തനസജ്ജമാകുന്ന ഇവയില് ഒരേ സമയം ആറു റോക്കറ്റ് വിക്ഷേപണ സംവിധാനമാണ് പ്രവര്ത്തിക്കുക.
ഹെലിക്കോപ്റ്ററുകളില് നിന്നു തൊടുക്കാവുന്നവയാണ് ഹെലിന മിസൈലുകള്. കരയില് നിന്ന് ആകാശത്തേക്ക് തൊടുക്കാവുന്ന ആകാശ്, ആകാശത്തു നിന്ന് ആകാശത്തുള്ള ശത്രുവിനെ തകര്ക്കാന് കഴിയുന്ന അസ്ത്ര, ടാങ്കുകളെ തകര്ക്കാന് ശേഷിയുള്ള നാഗ് തുടങ്ങിയവയെല്ലാം പ്രദര്ശിപ്പിച്ചിട്ടുണ്ട്.
വന് നദികളും മറ്റും കടക്കാന് സൈന്യത്തെ എളുപ്പത്തില് സഹായിക്കുന്ന സര്വത്ര എന്ന പാലം നിര്മാണ സാങ്കേതിക വിദ്യയും ഡിആര്ഡിഒയുടെ സ്വന്തമാണ്. ഡോ.അനില് ഉപാദ്ധ്യായ വികസിപ്പിച്ച സര്വത്ര ലോകത്തെ തന്നെ ഏറ്റവും മുന്തിയ നിര്മാണ വിദ്യയാണ്.
നാലു മീറ്റര് വീതിയില് 75 മീറ്റര് നീളത്തില് പാലം നിര്മിക്കാന് 75 മിനിറ്റ് മതി. 60 ടണ് ഭാരം വഹിക്കാനും ഇതിനു ശേഷിയുണ്ട്. ആറ് മീറ്റര് ആഴമുള്ള നദിയിലും സര്വത്ര വിദ്യ കൊണ്ട് പാലം പണിയാനാകും. വെറും 20 മിനിറ്റു കൊണ്ട് 15 മീറ്റര് നീളത്തില് പാലം നിര്മിക്കാം. അങ്ങനെ അഞ്ചു യൂണിറ്റുകള് ചേര്ത്താണ് 75 മീറ്റര് പാലം നിര്മിക്കുകയെന്ന് ഡോ.അനില് പറഞ്ഞു.
യുറോപ്യന് വമ്പന്മാരായ എയര് ബസിനാണ് ഏറ്റവുമധികം തുകയ്ക്ക് ഇടപാടുകള് ലഭിച്ചത്. അമേരിക്കന് കമ്പനിയായ എയര്ലീസ് കോര്പുമായി എയര്ബസ് 5500 കോടി ദിര്ഹത്തിന്റെ 111 വിമാനങ്ങള് നിര്മിച്ചു നല്കാനുള്ള കരാറില് ഏര്പ്പെട്ടു.
ദുബായ് എയര്ഷോ തുടങ്ങിയ ശേഷം വിവിധ വിഭാഗങ്ങളിലുള്ള 496 വിമാനങ്ങള് നിര്മിക്കാന് എയര്ലീസ് കരാര് നല്കിക്കഴിഞ്ഞു.കോടികളുടെ കരാറുകള് കൊണ്ടും ദുബായ് എയര്ഷോ ശ്രദ്ധനേടുകയാണ്. ഇതുവരെ നാലുലക്ഷം കോടിയോളം രൂപയുടെ കരാറുകളാണ് ഒപ്പുവച്ചത്. ആദ്യദിനം മാത്രം രണ്ടേമുക്കാല് ലക്ഷം കോടിയിലധികം രൂപയുടെ കരാറുകള് വിവിധ കമ്പനികള് തമ്മില് ഒപ്പുവച്ചിരുന്നു
https://www.dailymalayaly.com/
Join WhatsApp: https://chat.whatsapp.com/CpQDVWlTYng1QQatsZ3xEV The latest News, Advertise, Your Doubts, Information, Help Request & Accommodation is at your Fingertips. Click on the WhatsApp links to Subscribe to our news and updates
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.